ایم ٹی آئی آرڈیننس کامقصد اسپتالوں کی نجکاری نہیں،بہترسہولیات دینا ہے، وزیراعظم

اسلام آباد: وزیراعظم عمران خان کا کہنا ہے کہ میڈیکل ٹیچنگ انسٹیٹیوٹ (ایم ٹی آئی) آرڈیننس سے اسپتالوں کی نجکاری نہیں کی جارہی اور تمام اسپتالوں کا درجہ سرکاری ہی رہے گا۔

وزیراعظم عمران خان نے سماجی رابطوں کی ویب سائٹ ٹویٹر پر جاری اپنے بیان میں کہا ہے کہ میڈیکل ٹیچنگ انسٹیٹیوٹ آرڈیننس اسپتالوں کی اصلاحات کا حصہ ہے، میڈیکل ٹیچنگ انسٹیٹیوٹ آرڈیننس سے اسپتالوں کی نجکاری نہیں کی جارہی، آرڈیننس کا مقصد سرکاری اسپتالوں کے نظام کوبہتربنانا ہے۔

The MTI Act/Ordinance is to enable improved & modern management of public sector hospitals. This is NOT privatization but part of our public sector hospitals' reform plan.The hospitals will remain Govt hospitals. Better managed hospitals will mean better facilities for patients.

— Imran Khan (@ImranKhanPTI) September 5, 2019

وزیراعظم عمران خان کا کہنا ہے کہ بہتر انتظام والے اسپتالوں سے مریضوں کو بہتر سہولیات ملیں گی جب کہ تمام اسپتال سرکاری اسپتال ہی رہیں گے۔

واضح رہے کہ حکومت پنجاب نے ایم ٹی آئی ایکٹ نافذ کر دیا ہے جس  کے بعد تمام ٹیچنگ اسپتالوں میں کام کرنے والے ڈاکٹرز، نرسز اور پیرامیڈیکل اسٹاف کی سرکاری ملازمت کا درجہ ختم کر دیا تھا۔