بارسلونا میں منہاج سسٹرزکی جانب اسلامی خطاطی کے منفرد اور کامیاب مقابلے

بارسلونا میں منہاج سسٹرز کی جانب سے اسلامی خطاطی کے مقابلوں کا انعقاد منہاج القرآن مرکز بارسلونا میں کروایا گیا۔ مقابلے میں بارسلونا اورمیڈرڈ سمیت متعدد شہروں سے 17 نوجوان لڑکے اور لڑکیوں نے حصہ لیا۔ تقریب میں مراکش کمیونٹی سے تعلق رکھنے والی افراد نے بھی شرکت کی اور خطاطی مقابلہ میں حصہ لینے کے ساتھ ساتھ خوبصورت انداز میں نشید پڑھی۔

مقابلے میں سب سے زیادہ توجہ کا مرکز سنت سیگمنٹ (جس میں مختلف لوگوں نے اپنی پسندیدہ سنت سب کو بتائی)لیٹر سیگمنٹ ( اس خوبصورت ترین سیگمنٹ میں جوان بچے اور بچیوں سمیت تمام شرکاء نے حضور نبی اکرم صلی اللہ علیہ وسلم سے اپنی محبت کا اظہار کرتے ہوئے انھیں خط لکھا اور اس سیگمنٹ میں مختلف لوگوں نے روتے ہوئے اپنے احساسات کا اظہار حضور اکرم صلی اللہ علیہ وسلم سے کیا۔

اسکے بعد شیخ الاسلام ڈاکٹر محمد طاہرالقادری کی کتاب “A real sketch of Prophet Muhammad PBUH کتاب کی پریزینٹیشن کروائی گئی۔بارسلونا اور مراکش کی اہم سماجی اور سیاسی افراد نے پروگرام کو سراہتے ہوئے اپنے اپنے خیالات کا اظہار کیا اور منہاج سسٹرز کی اس کاوش کو بہت سراہا۔مقابلہ میں جیتنے والے نوجوان بچیوں کو 200، 150 اور 100 یورو کے کیش انعامات کے ساتھ ساتھ تمام امیدواروں کو سرٹیفکیٹ دیے گئے۔ منہاج سسٹرز اسپین کی جانب سے تمام شرکاء، مہمانوں اور صحافیوں کا شکریہ ادا کیا۔