برطانوی وزیراعظم لزٹرس کا 45 دن بعد مستعفیٰ ہونے کا اعلان

لندن : نئی برطانوی وزیراعظم لزٹرس نے 45 دن بعد مستعفیٰ ہونے کا اعلان کر دیا ہے۔

برطانوی میڈیا کے مطابق برطانوی وزیراعظم لزٹرس نے کنگ چارلس سے ملاقات میں انہیں اپنے استعفے سے آگاہ کر دیا ہے۔ انہوں نے 45 روز قبل ہی عہدے کا حلف اٹھایا تھا۔

کنزرویٹو پارٹی کے نئے سربراہ کا انتخاب ایک ہفتے کے اندر ہوگا۔

لز ٹرس نے کہا ہے کہ انہوں نے معیشت کی بہتری کا عزم لے کر وزارت عظمیٰ کا عہدہ سنبھالا تھا تاہم وہ مینڈیٹ کو پورا نہیں کرپارہیں۔ وہ نئے وزیراعظم کے انتخاب تک ذمہ داریاں نبھاتی رہیں گی۔لز ٹرس مختصر ترین عرصے تک وزارت عظمیٰ کے عہدے پر فائز رہیں، انہیں  وزارت عظمٰی کے عہدے پر فائز ہوئے ابھی صرف 45 روز ہی ہوئے تھے۔

لز ٹرس سے قبل 1827 میں جارج کننگ محض 119 روز  تک برطانیہ کے وزیر اعظم رہے تھے۔