عوام آئین کی خلاف ورزی کرنے والے مافیا کو برداشت نہیں کریں گے،  عمران خان

لاہور : سابق وزیراعظم عمران خان نے کہا ہے کہ لاہور کی ریلی ان لوگوں کیلئے ایک انتباہ ہے جو سپریم کورٹ اور آئین کی خلاف ورزی کا سوچ رہے ہیں۔

چیئرمین پاکستان تحریک انصاف عمران خان نے یوم مئی کی ریلی میں بھرپور عوامی شرکت کی ویڈیو ٹویٹ کرتے ہوئے کہا کہ ہماری یوم مئی کی ریلی کیلئے لاہور سے زبردست رسپانس ملا، شاندار آغاز کے بعد ریلی اور بھی زور پکڑ رہی ہے۔

عمران خان نے کہا ہے کہ یہ ان لوگوں کیلئے ایک انتباہ ہے جو سپریم کورٹ اور آئین کی خلاف ورزی کا سوچ رہے ہیں، ہماری عوام سپریم کورٹ کے احکامات اور آئین کی خلاف ورزی کرنے والے مافیا کو برداشت نہیں کریں گے۔

Massive response from Lahore for our May Day rally – & this was at the start. Rally gaining even more momentum now. Let this be a warning to those who are thinking of defying SC & Constitution. Our ppl will not tolerate the mafia violating SC orders & Constitution by running pic.twitter.com/dpwndF980E

— Imran Khan (@ImranKhanPTI) May 1, 2023

سابق وزیر اعظم کا کہنا تھا کہ انتخابات سے دور ہمارا ملک اپنی موجودہ نازک معاشی صورتحال میں سڑکوں پر ہونے والی ایک بڑی تحریک کو برداشت نہیں کر سکے گا۔