مشرق وسطیٰ بڑی علاقائی جنگ کے دہانے پر ہے:روس

روس نے خبردار کیا ہے کہ مشرق وسطیٰ بڑی علاقائی جنگ کے دہانے پر ہے جسے روکنے کے لیے تمام فریقوں کے ساتھ مل کر کام کررہے ہیں ۔

یہ بات روسی وزیر خارجہ سرگئی لاوروف نے خلیج تعاون کونسل ( جی سی سی)کے سٹریٹجک ڈائیلاگ سیشن سے خطاب کے دوران کیا۔

ان کا کہنا تھا کہ غزہ کی پٹی میں لڑائی کو روکنے میں بین الاقوامی برادری کی ناکامی اور اس کے باشندوں کی بڑے پیمانے پر شہادتوں نے فوجی اور سیاسی صورتحال میں تیزی سے بگاڑ پیدا کیا جس کےبعد پورا خطہ جنگ کے دھانے پر کھڑا ہے،یہ جنگ اسرائیل کی سرحدوں سے نکل کر بحیرہ احمر تک پھیل چکی ہے۔

انہوں نے کہا کہ اسرائیل اور لبنان کے درمیان محاذ آرائی ایک نئی خطرناک حد تک پہنچ گئی ہے، مشرق وسطیٰ ایک بار پھر بڑی علاقائی جنگ کے دہانے پر کھڑا ہے، ہماری مشترکہ ذمہ داری ہے کہ اسے ہونے سے روکیں۔

انہوں نے زور دے کر کہاکہ ہم حالات کو معمول پر لانے کے لیے تمام فریقوں کے ساتھ مل کر کام کر رہے ہیں۔

مزید خبروں کیلئے وزٹ کریں