اسلام آباد ہائیکورٹ نے فیصل واوڈ کی تاحیات نااہلی کے خلاف درخواست مسترد کر دی

اسلام آباد : پاکستان تحریک انصاف کے رہنما اور سابق وفاقی وزیر فیصل واوڈا تاحیات نااہل ہی رہیں گے، الیکشن کمیشن کا فیصلہ برقرار رکھتے ہوئے چیف جسٹس اسلام آباد ہائیکورٹ نے فیصل واوڈا کی اپیل مسترد کردی ہے

اسلام آباد  ہائیکورٹ کے چیف جسٹس اطہر من اللہ نے فیصل واوڈا کی درخواست پر  فیصلہ سنایا، فیصلے میں کہا گیا ہے کہ طویل عرصہ تک کمیشن اورعدالت کے سامنے فیصل واوڈا تاخیر کرتے رہے،، فیصل واوڈا نے شہریت چھوڑنے کا سرٹیفکیٹ جمع کرانے سے بھی انکار کیا۔ عدالت نے قرار دیا کہ،،فیصل واوڈا کی ذمہ داری تھی کہ مجاز اتھارٹی سے دہری شہریت چھوڑنے کا سرٹیفکیٹ پیش کرکے اپنی نیک نیتی ثابت کرتے،چیف جسٹس اسلام آباد ہائیکورٹ نے فیصلے  میں مزید کہا کہ ،عدالت اور الیکشن کمیشن ،،سپریم کورٹ کے پانچ رکنی بنچ کے فیصلے  پر عمل کے پابند ہیں، کمیشن کی تحقیقات اور فیصل واوڈا کے طرز عمل سے ثابت ہوا کہ جمع کرایا گیا حلف نامہ جھوٹا تھا، پٹیشنر کا اپنا کنڈکٹ اس کی نااہلی کا باعث بنا۔ افسوس کے ساتھ کہیں گے کہ اس کے نتائج کا پٹیشنر خود ذمہ دار ہے۔