اسپیکر ایاز صادق کی ولادی میر پیوٹن کو روس کا صدر منتخب ہونے پر مبارکباد

اسپیکر قومی اسمبلی سردار ایاز صادق نے ولادی میر پیوٹن کو روس کا پانچویں بار صدر منتخب ہونے پر مبارکباد دی ہے۔اسپیکر نے روس کے نو منتخب صدر کے نام جاری اپنے تہنیتی پیغام ان کے لیے نیک خواہشات کا اظہار کیا ہے۔

اسپیکر نے کہا کہ ولادی میر پوٹن کا پانچویں بار صدر منتخب ہونا ان پر روسی عوام کے بھرپور اعتماد کا اظہار ہے۔ انہوں نے اس امید کا اظہار کیا کہ نو منتخب صدر ولادی میر پوٹن کی سربراہی میں روس ترقی اور خوشحالی کے مزید منازل طے کرے گا۔

 اسپیکرنے کہا کہ پاکستان روس کے ساتھ اپنے دیرینہ دوستانہ تعلقات کو قدر کی نگاہ سے دیکھتا ہے۔ ولادی میر پیوٹن کی صدرات میں پاکستان اور روس کے مابین پارلیمانی اور سفارتی تعلقات کو مزید وسعت ملے گی ۔ دونوں دوست ممالک کے عوام ایک دوسرے کے مزید قریب آئیں گے۔