سپین حکومت کا یکم ستمبر سے رودالیاس/رینفے ٹرین ٹکٹوں پر 100فیصد رعائت دینے کا اعلان

وزیرِ اعظم سپین پیدرو سانچیس نے یکم ستمبر سے دسمبر تک رینفے کے تحت چلنے والی “سیرکانیاس”، “رودالیاس” اور “میدیا دیستانسیاس” ٹرینوں کی ٹکٹوں پر 100 فصد رعائت دینے کا اعلان کیا ہے۔

اس طرح بارسلونا کے ٹرین سسٹم “رودالیاس” کے تحت چلنے والی تمام ٹرینوں R1/R2/R3/R4/R7 وغیرہ میں مُفت سفر کیا جا سکے گا۔

یہ بات یاد رہے کہ 1 ستمبر سے نافذ ہونے والی 100 فیصد رعائت صرف Renfe کی اپنی ٹکٹوں پر ہو گی، جو عموماً سُرخ یا نارنجی رنگ کی ہوتی ہیں۔

سبز رنگ والی ATM والی ٹکوں پر 50فیصد رعائت ہوگی، جس کا اعلان چند ہفتے پہلے ہو چکا ہے۔