چینی مارکیٹ کا انتخاب خطرہ نہیں بلکہ ایک موقع ہے، چینی وزیر اعظم

بیجنگ:  چینی وزیر اعظم لی چھیانگ نے ڈیووس انٹرنیشنل کانفرنس سینٹر میں ورلڈ اکنامک فورم  2024 کے   سالانہ   اجلاس   سے خصوصی خطاب کرتے ہوئے   اس بات پر زور دیا کہ چین ایک ایسا ملک ہے جو اپنے وعدوں کی پاسداری کرتا ہے اور  چینی مارکیٹ کا انتخاب   خطرے کے بجائے  ایک موقع ہے. بدھ کے روز  لی چھیانگ نے اعتماد کی بحالی، تعاون کو مضبوط کرنے  اور عالمی اقتصادی بحالی کو فروغ دینے کے لئے پانچ نکاتی تجاویز پیش کیں، جن میں میکرو اکنامک پالیسی کوآرڈینیشن کو مضبوط بنانا،   بین الاقوامی صنعتوں میں تقسیم اور تعاون  کو مضبوط بنانا، بین الاقوامی سائنسی اور تکنیکی تبادلوں اور تعاون کو مضبوط بنانا،  سبز  ترقیاتی  تعاون کو مضبوط بنانا اور شمال-جنوب اور جنوب-جنوب تعاون کو مضبوط بنانا شامل  ہیں ۔

 لی چھیانگ نے  کہا کہ  چین ایک ایسا ملک ہے جو اپنے وعدوں کی پاسداری کرتا ہے، حالیہ برسوں میں عالمی ترقی کا ایک اہم انجن بن  رہا ہے،  اعلی معیار کی ترقی کے ساتھ چینی طرز کی جدیدیت  کو وسیع پیمانے پر فروغ دے رہا ہے اور اس کا  طویل مدتی معاشی بہتری کا مجموعی رجحان تبدیل نہیں ہوگا. انہوں نے کہا کہ  چین کے پاس ایک سپر مارکیٹ ہے  ، جو عالمی تجارت اور سرمایہ کاری کی ترقی کے لئے ایک وسیع تر  موقع  فراہم کرے  گا   اور چین کی کھلےپن  کی ٌپالیسی   مزید وسیع  ہو گی  ۔ لی چھانگ نے کہا کہ چین دنیا بھر کے کاروباری اداروں کو چین میں سرمایہ کاری کے لئے خوش آمدید کہتا ہے ، اور   اس کی کوشش  ہے   کہ مارکیٹ  اور قانون پر مبنی  ایک بہترین   بین الاقوامی کاروباری ماحول پیدا کرنے کا عمل جاری رکھا جائے  ۔