کشمیریوں کے اظہار یکجہتی کیلئے وزیراعظم کا 13 ستمبر کو مظفرآباد میں جلسے کا اعلان

اسلام آباد: وزیراعظم عمران خان نے 13 ستمبر کو مظفرآباد میں بڑا جلسہ کرنے کا اعلان کر دیا۔

وزیراعظم عمران خان نے سماجی رابطے کی ویب سائٹ ٹویٹر پر جاری اپنے ایک میں کہا ہے کہ وہ  13 ستمبر کو آزاد کشمیر کے درالحکومت مظفر آباد میں بڑا عوامی جلسہ کرنے جا رہا ہوں۔ ان کا کہنا ہے کہ:

‘‘غاصب بھارتی افواج کی جانب سے مقبوضہ جموں و کشمیر کے جاری محاصرے کے بارے میں دنیا کو پیغام بھجوانے اور اہل کشمیر کو یہ دکھانے کیلئے کہ پاکستان پوری ثابت قدمی سے ان کے ساتھ کھڑا ہے۔’’

I am going to do a big jalsa in Muzzafarabad on Friday 13 Sept, to send a message to the world about the continuing siege of IOJK by Indian Occupation forces; & to show the Kashmiris that Pakistan stands resolutely with them.

— Imran Khan (@ImranKhanPTI) September 11, 2019

انہوں نے کہا ہے کہ جلسے کا مقصد مقبوضہ کشمیر میں جاری بھارتی مظالم اور کرفیو کیخلاف دنیا کو پیغام دینا ہے، مظفرآباد جلسے کے ذریعے کشمیریوں کو یقین دلاؤں گا کہ پاکستان ان کے ساتھ کھڑا ہے۔