ویڈیو اسکینڈل:عثمان مرزا سمیت 5 ملزمان کو عمر قید کی سزا،2 بری

 اسلام آباد: اسلام آباد کی مقامی عدالت نے عثمان مرزا ویڈیو اسکینڈل کا فیصلہ سنا دیا، لڑکے اور لڑکی کی برہنہ ویڈیوز بنانے اوربلیک میلنگ کے جرم میں ملوث پانچ ملزمان کو عمر قید جبکہ دو کو بری کردیا گیا۔

ایڈیشنل سیشن جج عطاء ربانی نے ویڈیواسکینڈل کا فیصلہ سنایا ۔ فیصلے کے مطابق مرکزی ملزم عثمان مرزا سمیت پانچ ملزمان کو عمر قید کی سزا جبکہ شریک ملزمان عمر بلال اور ریحان کو بری کر دیا گیا۔عثمان مرزا کیس کا اسپیڈی ٹرائل ساڑھے پانچ ماہ میں مکمل ہوا۔ 28 ستمبر 2021 کو مرکزی ملزم عثمان مرزا سمیت سات ملزمان پر فرد جرم عائد ہوئی تھی۔

 واضح رہے کہ 6 جولائی2021 کو نوجوان لڑکے اورلڑکی کی برہنہ ویڈیوز سوشل میڈیا پر وائرل ہونے کے بعدمقدمہ درج کرتے ہوئے کیس کا آغاز کیا گیاتھا۔ واضح رہے کہ لڑکے اور لڑکی کے اپنے بیانات سے منحرف ہونے کے بعد ریاست اس مقدمے میں مدعی بن گئی تھی۔